22. Dezember 2022
Wenn du denkt hesch, es chieme jetzt wieder es paar gschieti Ziele,
denn mues ich dich enttüsche. Ich hoffe aber, du tuesch glich nochli verwiele.
Es wär doch schad, wenn ich das Johr eifach so normal würd beende,
drum ben ich froh, mini chliene dichterische Fähigkeite jetzt mol chönne verwende.
Bisch gspannt was noch chunnt? Denn lies doch einfach weiter,
wenn ned, denn versprich ich dir, de Himmel isch entwäder bewölkt oder heiter!
Wenn’s dusse kalt isch, hoffentlich sogar no schneit,
denn isch d’Weihnachtszeit ganz bestimmt nümme weit.
Aber isch das würkli für alli Lüt en Säge?
Für die einte fühlt sich Sonnenschein sogar an wie Räge.
Für dich au? Denn gang veruse und suech dir es Sternli
Und meld di be mir zum Erstgspröch uf matchball-wernli
Bisch du eine wo zum Beruf tuet Sport triebe?
Denn muesch jetzt ned weg laufe, sondern nochli bliebe!
Aber au wenn de Beruf zum Hobby worde isch,
denn darfsch bliebe, ich nehme di gern so wie du bisch!
Weisch ned wie mache? Denn gang veruse und suech dir es Sternli.
Und meld di be mir zum Erstgspröch uf matchball-wernli
Bisch nüm zfriede im Job, oder hesch kei Stell zum schaffe?
Muesch gar ned trurig si und stundelang ad Decki ufe gaffe!
Nei, mach en erste Schritt und pack din Muet.
Du wirsch gseh, wie guet dir das tuet!
Du weisch ned was oder wie? Denn gang veruse und suech dir es Sternli.
Und meld di be mir zum Erstgspröch uf matchball-wernli
Au wenn du ehner nochli jünger bisch,
Für mich bisch du genau de glich gross Fisch!
Öb ide Schuel oder im Sport. Irgendwo drückt de Schuh.
Du weisch ned wie, aber de erst Schritt chasch du tue!
Nüt neus, gang veruse und suech dir es Sternli.
Und meld di be mir zum Erstgspröch uf matchball-wernli
I wünsche jetzt allne es wunderbars Fest.
Mit tollem Esse und hoffentli friedliche Gäst.
Rütschet guet is 2023 und sind lieb zuenand.
Händ Freud am Läbe und a eusem schöne Land.
Wenn ned, ihr wüssed’s…. Denn gang veruse und suech dir es Sternli.
Und meld di be mir zum Erstgspröch uf matchball-wernli
